Օր՝ 16․11․2023
Ժամը՝ 10։10-11։00
Վայրը՝ Արևելյան դպրոցի մարզասրահ
Մասնակիցներ՝ Արևելյան, Արևմտյան դպրոցի 3-3 դասարանների սովորողներ
Պատասխանատուներ՝ Մարիամ Մանասյան, Վարսիկ Աթոյան
Ծրագրում՝
- Շարային վարժություններ, նախավարժանք
- Մարզական, էստաֆետային խաղեր
Անհրաժեշտ պարագաներ՝
- Բուլավաներ
- Օղակներ
- Գնդակներ
Խաղ 1
Խաղացողները բաժանվում են 2 թիմի: Նստում են գորգին՝ շարվելով իրար հետևից: Գնդակը գլխի վրայով անցկացնելով փոխանցում են մինչև շարքի վերջը: Վերջին մասնակիցը վերցնում է գնդակն ու վազում շարքի սկիզբը և նորից փոխանցում գնդակը շարքի վերջ: Հաղթում է այն թիմը, որի վերջին մասնակիցն ավելի շուտ է հասնում շարքին:
Խաղ 2
Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները գնդակը բռնած վազում են բուլավաների արանքով և տանում դնում 5-6 մետր հեռու գտնվող օղակի մեջ, վերադառնում և ձեռքի հպումով մեկնարկ են տալիս երկրորդ մասնակիցներին, որոնք վազքով գնում և բերում են գնդակը: Այսպես՝ մեկը տանելով, մյուսը բերելով, խաղում են, մինչև բոլոր մասնակիցները մասնակցեն խաղին:
Խաղ 3
Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները, ինքնագլորներով անցնում են բուլավաների արանքով, շրջանցում 5-6 մետր հեռու դրված բուլավան և ուղրղ գծով վերադառնում ետ` մեկնարկ տալով հաջորդին:
Խաղ 4
Երկու թիմերին կանգնեցնում ենք մեկնարկի գծի մոտ: Յուրաքանչյուր թիմի դիմաց դրվում են ուղղահայաց դիրքով 5 օղակներ: Հրահանգից հետո առաջին կանգնած խաղացողները վազքով անցնելով բոլոր օղակների միջով, շրջանցում են կանգնակը, վերադառնում նույն ձևով էստաֆետան տալիս հաջորդ խաղացողին: Եվ այսպես հաջորդաբար մինչև վերջ:
Վարսիկ Աթոյանի բլոգ 