Օրը՝ 03.11
Ժամը՝ 11:00
Թթուդրիկի ծեսը նախագծային գործունեություն է,ըստ մայրենի,մաթեմատիկա, տեխնոլոգիա մեդիատեխնոլոգիա առարկաների:
Սովորողների գործունեությունն ըստ նպատակների և խնդիրների՝ բաժանվում է փուլերի․
- Նախապատրաստական փուլ — 2 օր
- Թթուդրիկի ծես — 1 օր (60 րոպե)
- Գործունեության ամփոփում — 1-2 օր
Նախապատրաստական փուլի խնդիրներն են`
- Զարգացնել կարդալու, կարդացածը հասկանալու, վերարտադրելու կարողությունները
- Հարստացնել բառապաշարը
- Զարգացնել երկուական, երեքական հաշվելու կարողությունները
- Պատկերացում տալ առարկաների զանգված — չափսեր, զանգված-քանակ, արժեք-քանակ հարաբերակցությունների մասին
- Պատկերացում տալ քանակի մոտավոր գնահատում գործողության մասին
- Պատկերացում տալ բանջարեղենների մթերման, պահածոյացման գործընթացի մասին (բանջարեղենի տեղափոխում բանջարանոցից պահեստ, գործարան, մթերում/ պահածոյացում, պիտակներ, բաղադրություն)
- Ձևավորել ցուցակ, գնացուցակ կազմելու կարողություններ
- Ձևավորել (զարգացնել) խանութում գնումներ կատարելու (ընտրություն կատարել, դասավորել տոպրակի մեջ, մոտենալ կշեռքին, մոտենալ գանձապահին և գնած ապրանքը դասավորել համապատասխան վայրում)
- Ձևավորել խմբով միասին աշխատելու, աշխատանքը իրար մեջ բաժանելու կարողություններ
Ընթացք`
համացանցից թթվի բաղադրատոմս գտնել,կարդալ, մուտքագրել, դասավորել ըստ այբենական կարգի: Բաղադրատոմսը կարդալ, կազմել աղյուսակ ըստ գույների և բանջարեղենների:
Լեզվագործունեություն
Զրույց-քննարկում բանջարեղենների մասին /որտե՞ղ են աճում, ո՞ր եղանակին, ի՞նչ պայմաններում/, հանելուկների գուշակում:
Հեքիաթի, հանելուկի հորինում բանջարեղենների մասին:
Կազմակերպել գնումներ կատարելուն:
Գնումներ կատարելուց հետո, բանջարեղենի ցուցակը աղյուսակով կազմել (թվարկեցինք, մուտքագրեցինք) նախ ՝ ըստ զանգվածի, ապա՝ ըստ քանակի և արժեքի:
Այսպես՝ ծաղկակաղամբ — 3 կգ — 4 գլուխ , գազար — 4 կգ — 49 հատ և 1կգ -արժեքը դրամով
Ապա՝ հաշվարկներ կատարել
Եթե 3 կիլոգրամ լոլիկը 12 հատ է, 1 կիլոգրամ լոլիկը քանի հատ կլինի․․․
Եթե ունենք 16 վարունգ, ամեն խմբին քանի վարունգ կհասնի։
Թթուդրիկ
Այս փուլի հիմնական խնդիրն է`
- Ձևավորել խմբով աշխատելու կարողություններ (իրար լսել, զիջել, օգնել, միասին պատասխանատվություն զգալ՝ աշխատանքն ավարտին հասցնելու համար)
Թթու դնելու բուն գործընթացի համար սովորողները բաժանվում են չորս խմբի․ յուրաքանչյուր խումբ պետք է ունենա իրեն բաժին հասած բանջարեղենները և սկսեն կտրատել,տարաներում դասավորել(ընթացքում ստեղծագործական մոտեցմամբ պատկերներ ստանան`Ռոդարյական հնարք)
Կպատրաստեն աղաջուր (աղիություն կորոշեն ձվի օգնությամբ)
Արդյունք՝
Թթուդիկ
Հորինում ենք
Վարսիկ Աթոյանի բլոգ 