Լողուսուցումը դիտարկվում է որպես մարմնակրթության բաղկացուցիչ: Այն լողալու հիմնական հմտություններ զարգացնելուց, մարմինը կոփելուց, հոգնածությունն ու լարվածությունը թոթափելուց զատ, սովորողներին օգնում է ձեռք բերել մի շարք կարևոր հմտություններ:
Աշնան տաք օրերին շարունակելու ենք լողալ Արևմտյան դպրոցի բացօթյա լողավազաններում: Լողալու ու խաղալու ենք ջրում` աստիճանաբար զարգացնելով լողալու հմտությունները:
Լողին նախապատրաստվելը դիտարկվում է որպես ինքնուրույնության ու ինքնասպասարկման կարևոր հմտությունների ձեռք բերման հարթակ, որտեղ սովորում են պահպանել անձնական հիգիենայի կանոնները:
Լողուսուցման փուլերն են՝
- Նախապատրաստում, որն իր մեջ ներառում է նախավարժանքն ու ցնցուղի ընդունումը
- Լողը
- Լողափին գտնվելն ու ինքնասպասարկումը:
Բացօթյա լողավազանից օգտվելու կարգ
Լողափից օգտվելիս անհրաժեշտ է ծանոթանալ լողափում գործող կարգապաhական և անվտանգության բոլոր կանոններին: Դրանք նպաստում և ապահովում են այցելուների անվտանգությունը և առողջության պահպանումը:
Գույք-հանդերձանք՝
* Լողազգեստ
* Ռետինե հողաթափեր
* Սրբիչ
* Լողի գլխարկ /աղջիկներ/
* Ջրային ակնոց
* Արևապաշտպան գլխարկ
* Արևապաշտպան քսուկ
Լողափում արգելվում է՝
* Լողավազան մտնել առանց ցողվելու
* Առանց պատասխանատուի թույլտվության և հսկողության մտնել ջուրը
* Ջուրը մտնել և դուրս գալ առանց հողաթափերի
* Աղտոտել տարածքը
Նկարագիր՝
Լողորդը լողափ է գալիս համազգեստով, ռետինե հողաթափերով, արևապաշտպան գլխարկով: Կատարում է նախավարժանք, տաքացնում մարմինը: Ջուրը մտնելիս պարտադիր ցողվում է, ապա առաջանում դեպի լողավազան արահետի վրայով: Լողալուց հետո կրկին ցողվում է քլորից մաքրվելու համար:
Ջրի ջերմաստիճանը— 20-25 աստիճան
Լողավազանների ջրի վարակազերծման համար օգտագործվող ախտահանիչ նյութեր՝
* Քլոր- շաբաթական 400 գրամ
* Ալգեցիդ – շաբաթական 1.5 լիտր
* Խտեցուցիչ – անհրաժեշտության դեպքում
Լողավազանի ջուրը փոխելուց հետո ախտահանման համար
* քլորակիր (պարզեցված լուծույթ 1%)
Արդյունք՝