Մուտքի ճամբար. օր երրորդ

Այսօր շատ յուրօրինակ օր էր: Առավոտը սկսեցինք ընդհանուր պարապմունքով՝ դպրոցի հյուրերի հետ: Երգ ու պարից հետո, անմիջապես անցանք դասարանների մաքրության, որոշներն էլ՝ միջավայրի բարեկարգման աշխատանքին: Արևմուտքում մեծ եռուզեռ էր՝ գունեղ արքայանարինջներն իրենց գույնը սփռել էին ու տրամադրություն հաղորդում: Մուտքի ճամբարի սովորողներն էլ, անտարբեր չմնացին: Միասնական անցանք գործի: Նախ կշռեցինք արքայանարինջները՝ մաթեմատիկական գործունեություն իրականացրեցինք, վերհիշեցինք գրամ, կիլոգրամ կասկացությունները, հետո անցանք արքայանարինջի կլպելուն և թելին կապելուն, որպեսզի ձմռանը չիր ունենանք: Այսօրվա աշխատանքը էսպիսին էր՝ սովորողներն էլ հիացած ու մեծ հմտություն ձեռք բերած գնացին:

Աշնանային մանկավարժական ճամբար. օր առաջին

Այսօր Արևմտյան դպրոցում օրը սկսեցինք միասնական ընդհանուր պարապմունքով: Ծանոթացանք մուտք կրթահամալիր ճամբարի մասնակիցների հետ՝ նրանք երեքն էին և եկել էին Լիբանանից: Այնուհետև շրջեցինք դպրոցով և ծանոթացանք միջավայրին: Ճամբարականները ներկայացան. որտեղից են եկել, ինչ են սիրում, ինչ չեն սիրում: Իսկ մանկավարժները զբաղված էին միջավայրի բարեկարգման աշխատանքներով: Ճամբարականների հետ հեծանվավարություն արեցինք: Պարզվեց, որ այդքան էլ չեն կարողանում վարել, դեռ քառանիվ հեծանիվ են վարում: Այցելեցինք նաև ագարակ, ընկեր Աստղիկի հետ միասին տնկեցինք դեղձի կորիզներ, նախապես փխրեցված հողում: Սովորողները շատ հետաքրքրված նայում էին շուրջ բոլորը և անընդհատ հարցեր տալիս: Շատ տպավորված գնացին:

Մուտքի ճամբար

Վայրը՝  Արևմտյան դպրոց-պարտեզ

Մասնակիցներ` Կրթահամալիր տեղափոխվելու մտադրություն ունեցող սովորողներ

Ժամկետը`  Հոկտեմբեր 28- նոյեմբեր 1

Նպատակը՝ Նոր ընդունվող սովորողներին ներառելու հեղինակային կրթական ծրագրում՝ ծանոթացնելու դպրոցում ուսումնական գործի կազմակերպման առանձնահատկություններին, ուսուցման միջավայրին, ուսուցման համար անհրաժեշտ հմտություններին, անհատական գործիքներին։

Read More »