«Մխիթար Սեբաստացի» կրթահամալիրում «Իմացումի հրճվանք» կրթական ծրագրի կարևորագույն մաս է կազմում մարմնամարզությունը: Մարմնամարզությունը ամենօրյա է, սկսած առավոտյա քայլքից դեպի դպրոց:
Առավոտյան ընդհանուր պարապմունքի ծրագրում ներառված է մարմնամարզության կարևոր տարրեր՝ նախավարժանք, որով ակտիվացնում ենք մեր մարմինը ողջ օրվա համար: Օրվա ընթացքում սովորողները շարժուն խաղեր են խաղում, ներառելով նաև ազգային խաղեր(բռնոցի, գետնից բարձր, բռնոցի-պպզոցի, գործնագործ, ֆուտբոլ):
Պարապմունքները շաբաթական երեք ժամ է՝ Լող-հեծանիվ- վազք, մարմնամարզական վարժոթյուններ, էստաֆետային խաղեր: Երեխաները շատ մեծ ոգևորությամբ են մասնակցում էստաֆետային խաղերին: Համագործակցային էստաֆետային խաղեր ենք կազմակերպել Յուրի Բախշյանի այգում:
Ճամփորդությունները՝ քայլարշավները և բարձունքի հաղթահարումը իրական մարմնակրթական ստուգատես է, քանի որ սովորողի ֆիզիկական պատրաստվածությունը երևում է այդտեղ:
Բարձունքի հաղթահարում դեպի Նեղուցի վանք
Ճամփորդություն-քայլք Ջրվեժի անտառպուրակ
Մարզվում ենք ճամփորդությամբ՝ ձմեռային մարզաձև
Սեպտեմբերը սկսում ենք «Լողափնյա աշուն» նախագծով, այն շատ կարևոր է սովորողի ներառվելու, ադապտացվելու համար: Լողափնյա աշուն
Հեռավար-առցանց ուսուցման ժամանակ սովորողները առցանց մարմնամարզության ժամ ունեին և ամենօրյա մարմնամարզություն էին կատարում:
Ես կարողանում եմ մարզվել, սովորողները բակում, տանը խաղահրապարակում ցույց են տալիս իրենց կարողությունները:
