Posted in Բարձունքի հաղթահարում

Բարձունքի հաղթահարում դեպի Սուրբ Նեղուցի վանք

Ուրբաթ օրը, մեր բարձունքի հաղթահարման օրն էր:

Սովորողները ինչքան սիով և ուրախությամբ են սպասում այդ օրվան՝ նրանց սիրելի օրերից մեկն է: Այս անգամ պետք է հաղթահարեինք Արզական գյուղի Սուրբ Նեղուց տանող բարձունքը:

Նախապես սովորել քննարկել էինք Կոտայքի մարզը իր քաղաքներով, առանձնահատկություններով: Արզական գյուղի մասին որոշ փաստեր: Ո՞ր լեռնաշղթայով է շրջապատված Արզականը, ո՞ր գետն է հոսում Արզականի մոտով:

Բարձունքը երրորդ դասարանցիները հաղթահարեցին՝ անտրտունջ, երգելով, արտասանելով: Նեղուցի վանքում երգեցինք «Հայր մեր»-ը, «Այբ, բեն, գիմ…»-ը:

Ուսումնասիրեցինք վանքի տարածքը, պատերին գրառած արձանագրություներն ու զարդաքանդակները: Սովորողները մեծ ոգևորությամբ էին ամեն մանրուք նայում և արձագանքում:

Նաև ակտիվ լուսանկարում էիր իրենց դուր եկած, տպավորիչ տեսարանները, որ հետո տեղադրեն իրենց բլոգներում:

Աշնան գեղեցկությունը, գույները անտարբեր չէինք կարող թողնել: Բոլորոս միասին իրականացրեցինք նկարչական պլեներ, որը շատ գեղեցիկ ստացվեց: Դե իսկ ազատ ու ապահով տարածքը լավ վազվզելու ու խաղալու ցանկություն էր ներշնչում:

Ճամփորդության ընթացքում, երեխաների շուրթերից,Կոմիտասն անպակաս էր:

Տեսաֆիլմը այստեղ՝

Posted in Բարձունքի հաղթահարում

Բարձունքի հաղթահարում. Ս. Աստվածածին վանք

Վայրը՝ Նեղուցի սուրբ Աստվածածին եկեղեցի (Ծաղկունյաց լեռնաշղթայի Թեղենիս լեռնագագաթի ստորին հատված)

Ճամփորդության ամսաթիվը՝ սեպտեմբերի 27

Մեկնումը դպրոցից՝ ժամը 9:30

Ժամանումը դպրոց՝ ժամը 16:00

Մեքենան / մակնիշը,համարանիշը/

Վարորդը / անուն, ազգանուն/

Մասնակիցները՝ երրորդ դասարան

Ճամփորդության  ղեկավարը՝

Օգնականը՝

Ֆոտոտեսա նկարահանման, ուղիղ եթերների պատասխանատուն՝

Ճանապարհի նկարագրություն.

ԵրևանԱրզական հեռավորությունը՝ 50 կմ

Արզականը գտնվում է ծովի մակերևույթից  1500-1600 մ. բարձրության վրա:

Ճանապարհի տևողությունը՝  54 րոպե

Մեկնումը՝ «Արևմտյան դպրոց»-ից, ժամը՝ 9:30

  1. Առաջին կանգառ՝  Արզական գյուղում
  2. Գյուղապետարանի մոտից Նեղուցի փողոցով քայլարշավ  դեպի Նեղուցի վանք
  3. Վանքի և շրջակա տարածքի ուսումնասիրություն
  4. Երաժշտական դադար. Կոմիտաս. «Հա՛յր մեր», պարերգ «Կաքավիկ»
  5. Շրջակա միջավայրում հանրօգուտ աշխատանքի կազմակերպում
  6. Ազգային խաղեր
  7. Նկարչական պլեներ
  8. Քայլարշավ դեպի Դալար գետի ափ
  9. Շրջակա միջավայրի ուսումնասիրություն
  10. Շրջակա միջավայրում հանրօգուտ աշխատանքի կազմակերպում
  11. Երաժշտական դադար. Կոմիտաս. պարերգ «Կաքավիկ»
  12. Քայլարշալ դեպի գյուղամեջ

Նպատակը՝ 

ճամփորդելու միջոցով ճանաչել շրջակա միջավայրը, մարզվել, սովորել արգելքներ հաղթահարել, իր գործունեությամբ նպաստել շրջակա միջավայրի պահպանմանն ու բարելավմանը:

  • Ձևավորել ճամփորդությունը պլանավորելու (նախագծելու)  կարողություններ. ճամփորդության նպատակ, խնդիրներ, գործողությունների քայլաշար,
  • Ձևավորել ճամփորդությանը նախապատրաստվելու կարողություններ
  • Ձևավորել տեսածի մասին պատմելու, տեսածը ներկայացնելու ( ճանապարհը նկարագրելու, ճամփորդության մասին սեփական վերաբերմունքն արտահայտելու) կարողություններ

Խնդիրները՝

  • տեսածից, լսածից առանձնացնել գլխավորը և մտապահել տեղեկություններ ստանալ վայրի մասին (դիտել տեսանյութ),
  • կարդալ քարտեզի վրա նշված ճանապարհը. .ինչ վայրերով ենք անցնելու, որքա՞ն հեռավորություն են հաղթահարելու, որքա՞ն ժամանակում, որտեղ ենք դադարներ առնելու
  • օգտվել առաջիկա եղանակի մասին պատմող տեղեկությունից
  • հավաքել ճամփորդական պայուսակ. ինչ իրեր են անհրաժեշտ լինելու, ինչու
  • հասկանալ խմբով ճանապարհորդելիս ընկերային պատասխանատվության նշանակության կարևորությունը
  • իմանալ առաջին օգնության տարրական կանոններ
  • ուսումնասիրել միջավայրը՝ շինություններ, բուսականություն
  • կատարել հանրօգուտ աշխատանք. պահպանել մաքրություն
  • լուսանկարել բնության տեսարաններ, շինություններ, մարդկանց
  • պատմել օրվա մասին՝ պահպանելով գործողությունների հաջորդականություն
 Արշավականճամբարականի անհրաժեշտ պարագաները`
  • Ուսապարկ
  • Օրապահիկ, 1լ ջուր
  • Գնդակ, պարան, հոլ
  • Հեռադիտակ
  • Կողմնացույց
  • Մարզական համազգեստ, տաք հագուստ, արևապաշտպան գլխարկ
  • Նկարչական պարագաներ/գոաշ,վրձին, թուղթ/
  • Թվային միջոցներ` ֆոտոխցիկ
Արշավականճամբարականը`
  • չի ուշանում
  • չի տրտնջում
  • չի հոգնում
  • չի խուսափում դժվարություններից
  • օգնում է ընկերոջը
  • մաքուր է պահում շրջապատը
  • ակտիվ է, նախաձեռնող ու կարգապահ
  • լուսաբանում է, պատմում, ներկայացնում
  • իր հետ չի բերում գազավորված ըմպելիք, չիփսեր

 Եղանակը՝

Ուսումնական ռեսուրսներ
  • Տեսանյութեր՝
    1. ԱՐԶԱԿԱՆ. ՀԱԶԱՐ ՈՒ ՄԻ ՀՐԱՇՔՆԵՐԻ ԳՅՈՒՂ
    2. Հայաստանով մեկ. Արզական
    3. Նեղուցի վանք

    Արդյունք՝

    Պատմում է Մարկ Վարդանյանը

    Պատմում է Քրիստինե Օհանյանը

    Բարձունքը հաղթահարված է

    Posted in Բարձունքի հաղթահարում

    Նեղուցի սուրբ Աստվածածին վանք

    Նեղուցի սուրբ Աստվածածին վանք

    Վանքը գտնվում է Արզական գյուղից 1 կմ հյուսիս-արևմուտք: Եկեղեցին կառուցվել է 10-11-րդ դարերում։
    Այն բաղկացած է եկեղեցուց, կից գավթից և առանձին փոքր մատուռից:
    Գավիթն ունի շքեղ ձևավորված երկու մուտք, որոնցից գլխավորը հարավայինն է: Գավիթի պատերին պահպանվել են 13-րդ դարի արձանագրություններ։
    Վանքի շրջակայքում կա խաչքարերով հարուստ գերեզմանոց:
    Արզականը միջին դարերում հիշատակվում է Արտավազդական անունով:
    Գյուղը հայտնի է իր բազմաթիվ տաք հանքային ջրի աղբյուրներով:

    Posted in Բարձունքի հաղթահարում

    Համբարձման ծեսը Բջնիում. Բարձունքի հաղթահարում

    Բջնիի Սուրբ Աստվածածին եկեղեցու բակում՝ երաժշտության դասավանդող ընկեր Սեդայի, 2-2 և 2-1 դասարանների սովորողները միասնական իրականացրեցին Համբարձման ծեսը: Ծեսից հետո, մեծ ոգևորությամբ հաղթահարեցինք Բջնիի ամրոցի բարձունքը: Տեսարանը հրաշալի էր:

    Posted in Բարձունքի հաղթահարում

    Բջնի գյուղում

    Բջնի գյուղի՝ Հովհաննես Թումանյանի անվան դպրոցում իրականացրեցինք Հակաբացիլ Կոմիտաս նախագիծը: Մեծ ոգևորությամբ մեզ դիմավորեցին, երկրորդ դասարանի սովորողները: Միասին երգեցինք Կոմիտասյան շարք, պարեցինք: Երգերից լավ շունչ ստացած՝ սովորողները մեզ ուղեկցեցին դեպի գյուղի կենտրոնում գտնվող Սուրբ Աստվածածին եկեղեցին: