Երրորդ դասարանի «Ելք» ստուգատես. նախագիծ

Ժամանակահատված՝ 20.04- 24.05

Նպատակ՝ Երրորդ դասրանի սովորողը կներկայանա իր ձեռք բերած կարողություններով ու հմտություններով:

Խնդիրներ՝

մեդիահմտությունների ներկայացում, բլոգավարություն
ընթերցելու կարողությունների ցուցադրում
մաթեմատիկական, տրամաբանական կարողությունների ցուցադրում
երսժշտական ունակությունների ցուցադրում
մարզական կարողությունների ցուցադրում
տեխնոլոգիական հմտությունների ցուցադրում
բնագիտական գիտելիքների ներկայացում
օտար լեզուներով շփվելու կարողությունների ցուցադրում

Ընթացքը ըստ գործունեությունների՝

Ընթերցանություն՝

Սովորողը կընտրի որևէ պատմվածք կամ առակ և կներկայացնի աուդիտարբերակով կամ տեսանյութի տեսքով:

Մաթեմատիկա՝

Սովորողները մաթեմատիկայի ապրիլյան-մարտյան ֆլեշմոբների խնդիրներից կընտրեն մեկ խնդիր և լուծման տարբերակը կներկայացնեն տեսանյութի կամ ռադիոնյութի տեսքով:
Չափումներ կիրականացնեն և կկազմեն խնդիրներ:
Գնացուցակով խնդիրներ կիրականցնեն և կհաշվեն անհրաժեշտ գումարը:

Մեդիատեխնոլոգիա՝

Սովորողները կներկայացնեն իրենց մեդիահմտությունները՝ ինչ ծրագրերից են օգտվում, ինչպես են ֆիլմ պատրաստում:

Մարմնամարզական՝

Ես մարզվում եմ ամեն օր
Անիվների վրա եմ

Բնագիտական՝

Ես բնապահպան եմ՝ միջավայրի խնամք, ծառատունկ, ծաղկատունկ…
Մարդու օրգանիզմը. հիգիենա, առողջ ապրելակերպի կանոններ։

Տեխնոլոգիական`

Յուրաքանչյուր սովորող բլոգում կներկայացնի տարվա ընթացքում իր նկարած նկարների (նաև paint) ցուցահանդեսը։
Թափոնին՝ նոր կյանք. կներկայացնեն թափոնից ստեղծված աշխատանքներ:
Սովորողը ցույց կտա իր խոհարարական հմտությունները։

Ստեղծագործական՝

Սովորողը կհորինի հորինուկ Paint ծրագրով կնկարի և մուլտֆիլմ կպատրաստի
Հորինուկը կներկայացնի Power Point ծրագրով

Ամփոփում՝

Երրորդ դասարանում սովորում են քսաներկու սովորող: Բոլորը ունեն բլոգներ: Սեպտեմբերից սկսել ենք բլոգավարություն իրականացնել: Բլոգում աշխատել կարողանում են յուրաքանչյուրը իր ունակության չափով: Բլոգային ուսուցումը սովորողի համար հարմար հարթակ է, որտեղ սովորողը ներկայանում է յուրովի և իր աշխատանքի պատկերն է ցույց տալիս: Գրեթե բոլորի բլոգները համապատասխանում են սովորողի բլոգին ներկայացվող պահանջներին:

Microsoft Teams առցանց ուսումնական հարթակով բլոգավարության տեսադաս ենք կազմակերպել: Այն սովորողները, ովքեր հմուտ են, իրենց բլոգներն են ներկայացնում և հմտություններով կիսվում: Նրանք որպես ուսուցիչներ սովորեցնում են իրենց ընկերներին՝ ովքեր թերանում են տվյալ հարցում: Կարծում եմ` նմանատիպ ուսուցումը երեխաներին ավելի պատասխանատու է դարձնում և հավես ներշնչում, միաժամանակ էլ՝ ավելի հեշտ ընկալվում ընկերոջ կողմից:

Տեսադաս՝ բլոգում ինչպես օգտագործել «շարունակի՛ր կարդալ» գործիքը:

Սովորողները «Ելք» ստուգատեսի շրջանակներում տեսանյութի տեսքով կներկայացնեն իրենց բլոգավարության հմտությունները և հյուր կգնան ընկերների բլոգները՝